Kërkohet paraburgim ndaj të dyshuarve për shitjen e aviobiletave false

Foto ilustrim (Keystone)

Prokuroria Themelore e Prishtinës ka kërkuar nga Gjykata Themelore që të caktojë masë paraburgimi ndaj dy personave që po dyshohen për falsikimin e aviobiletave.

Para katër ditësh, Drejtoria për Hetimin e Krimeve Ekonomike dhe Korrupsionit, konkretisht Njësia e Hetimeve Financiare, përmes operacionit “Avio-Biletat” ka arrestuar dy persona të dyshuar për veprën penale ‘Mashtrim’, shkruan albinfo.ch.

R.I. dhe A.D. po dyshohen se kanë përfituar qindra euro, duke shitur bileta të falsifikuara.

“Ekziston dyshimi i bazuar se nga data 18.08.2018 dhe në vazhdimësi deri më datën e arrestimit të dyshuarit e lartcekur, me vetëdije të plotë kanë përpiluar aviobileta të falsifikuara në emër të agjencisë turistike “Reisburo Prishtina”, me seli në Prishtinë dhe u kanë shitur këto bileta të dëmtuarve në vlerë prej 600.00 euro, në relacionin Prishtinë-Shtutgard, për datën 19.08.2018, ndërsa kur të dëmtuarit kanë tentuar të realizojnë fluturimin, është vërtetuar se këto bileta i kanë blerë nga kompania “Sky Travel”, ashtu që të dyshuarit kanë vepruar njëjtë edhe më 14.12.2018. Me këtë të dyshuarit kanë kryer veprën penale “Falsifikimi i dokumenteve”,  nga neni 398 par.2 lidhur me nenin 31  të KPRK-së”, thuhet në komunikatën e tyre, përcjell albinfo.ch.