Kërkohet promovim i përbashkët ekonomik

Ministrja Lila, ka inkurajuar kryeparlamentaren Topalli, dhe qeverinë shqiptare për hapat për lehtësimin e kushteve për bizneset në Kosovë

Zëvendëskryeministri i parë, Behgjet Pacolli dhe ministrja e Tregtisë dhe Industrisë, Mimoza Kusari-Lila, janë takuar në Tiranë me kryeparlamentaren e Shqipërisë, Jozefina Topalli.

Pacolli e ka njoftuar Topallin me angazhimet e tij, në drejtim të krijimit të kushteve për hapësirën e përbashkët ekonomike ndërmjet Kosovës dhe Shqipërisë.

Nga ana tjetër, Topalli e ka vlerësuar idenë e ish presidentit Pacolli, për promovimin e një hapësire të përbashkët ekonomike.

Edhe ministrja e Tregtisë dhe Industrisë, ka inkurajuar kryeparlamentaren Topalli, dhe qeverinë shqiptare për hapat që ka ndërmarrë së fundmi për lehtësimin e kushteve për bizneset në Kosovë dhe ka kërkuar vazhdimin e bashkëpunimit për të arritura të tjera në të ardhmen.