Këshilla si të kujdeseni për të moshuarit

Të moshuarit janë më të prekurit nga virusi korona, por janë disa këshilla se si duhet të sillemi

Instituti i Shëndetit Publik i Shqipërisë (ISHP) publikoi disa masa, sesi duhet të kujdesemi për të moshuarit dhe fëmijët, në situatë e përhapjes së virusit COVID -19.

“Nëse je mbi 60 vjeç, ose keni sëmundje të tjera si sëmundje kardiovaskulare, respiratore, diabet shmangni ambientet e populluara ose ambientet ku mund të ndërveproni me persona të sëmurë”, thotë ISHP-ja.

ISHP thekson se, “gjatë kohës së stresit dhe të emergjencës është normale që fëmijët të kërkojnë më shumë prani e të jenë më shumë kërkues ndaj prindërve.  “Diskutoni me fëmijët për COVID-19, në një mënyrë të sinqertë e të përshtatshme për moshën e tyre”, shprehet ISHP, përcjell albinfo.ch.

“Nëse keni ndonjë gjendje ekzistuese shëndetësore, është veçanërisht e rëndësishme të bëni gjithçka që mundeni për të reduktuar rrezikun e marrjes së COVID-19, për shembull, larja e shpeshtë e duarve tuaja, shmangia e tubimeve të mëdha të njerëzve dhe duke qëndruar larg nga cilido që është i sëmurë”, bën apel ISHP-ja.

---