Kështu e kujton Beqë Cufaj rënien e Murit të Berlinit

Ambasadori i Kosovës në Gjermani, Beqë Cufaj, ka kujtuar 30-vjetorin e rënies së Murit të Berlinit, duke potencuar se bota e lirë ka arsye që të festojë, sepse sipas tij, askush nuk mund ta mposhtë vullnetin e kombeve për liri, shkruan albinfo.ch.

Ai përmes një statusi në Facebook uroi kombin gjerman për këtë ditë historike.

“Sot mbushen 30 vjet nga rënia e Murit të Berlinit. Gjermania u bashkua dhe Perdja e Hekurt e komunizmit u rrënua përfundimisht. Bota e lirë atëbotë dhe sot ka arsye të festojë, sepse asnjë tirani, asnjë ndarje, nuk mundet ta mposhtë vullnetin e kombeve për liri! Edhe më 9 nëntor të vitit 1989, por edhe më 12 qershor të vitit 1999! Urime Gjermanisë, kombit gjerman dhe krejt botës së lirë!”, shkroi ai.