Këta aktorë luajnë rolet kryesore në serinë “Stateless”

Derisa po përgatitet miniseria prej 6 episodeve e “Stateless”, janë konfirmuar edhe aktorët kryesorë. Rolet kryesore do të luhen nga yje të mëdha.

Cate Blanchett, Yvonne Strahovski dhe Dominic West do të jenë protagonistë kryesorë të serisë së re televizive në lidhje me njerëzit të cilët ngatërrohen në një qendër paraburgimi të emigracionit, transmeton albinfo.ch.

Autorët e serisë janë Cate Blanchett, Tony Ayres dhe Elise McCredie.
Fokusi i ngjarjes është te katër të huaj: stjuardesa, e cila është në arrati nga kulti, refugjatja e Afrikës që synon ta shmangë gjykimin, babanë e ri nga Australia, i cili dëshiron të largohet nga një punë e keqe dhe burokrati, i cili është në mesin e skandalit shtetëror.

Qëllimi i kësaj serie televizive është të tregohen problemet me të cilat ballafaqohen vendet anembanë botës.