Këtë javë temperatura në Kosovë deri 40 gradë

Të mërkurën, të enjten dhe të premten, temperaturat do të mbërrijnë deri në 39 gradë, thuhet në faqen zyrtare të meteorologjisë evropiane

Të dhënat e fundit të qendrave evropiane të meteorologjisë tregojnë që Ballkani Perëndimor, në veçanti Kosova, pritet të përballet me temperatura ekstreme, veçmas gjatë kësaj jave, ku termometri mund të mbërrijë deri në 40 gradë celsius.

“Në Prishtinë temperaturat të martën e kësaj jave do të luhaten nga minimalja 21, ndërsa maksimalja 35 gradë celsius, ndërkaq të mërkurën, të enjten dhe të premten, temperaturat do të mbërrijnë në deri në 39 gradë celsius”, thuhet në ueb faqen zyrtare të meteorologjisë evropiane “Forcas”.

Të dhënat e prezantuara nga kjo qendrës janë vlerësuar reale edhe nga ana e institutit hidrometeorologjik të Kosovës.

Drejtori i këtij instituti, Sylë Tahirsylaj, ka thënë se java që po hymë pritet të jetë java me e nxehtë në dekadat e fundit.