Këto janë 14 vendet ku mund të udhëtoni pa vizë me pasaportë të Kosovës

Theksohet se pasaporta e Kosovës llogaritet ndër më të pavlefshmet në botë. Nga mbi 200 shtete, pa vizë mund të udhëtohet në vetëm 14 prej tyre, transmeton albinfo.ch.

Shtetet në të cilat Kosova ka të drejtë të udhëtojë pa vizë, vetëm me pasaportë, janë: Shqipëria, Mali i Zi, Maqedonia Veriore, Serbia, Gambia, Senegali, Ishujt Kuk, Mikronezia, Niue, Dominika, Haiti, Ishujt Shën Vinsent, Ekuadori dhe Turqia.

Shumica prej vendeve, ku qytetarët e Kosovës mund të udhëtojnë pa kërkuar viza, janë vende të vogla ose ishuj në Oqeani. Sipas Indeksit ‘Henley Passport’, e cila është një uebfaqe e specializuar e pasaportave, qytetarët e Kosovës mund të udhëtojnë pa viza me pasaportën e vendit të tyre në 14 shtete të tjera të botës.

Në Evropë, për qytetarët e Kosovës nuk kërkohet viza nëse udhëtojnë drejt shteteve fqinje të saj: Maqedonisë Veriore, Serbisë, Shqipërisë dhe Malit të Zi. Po ashtu qytetarët e Kosovës mund të udhëtojnë pa viza edhe në Turqi.