KFOR-i ka ndihmuar në shuarjen e zjarreve në disa komuna të Kosovës

Foto: NATO Kosovo Force - KFOR, FB

KFOR-i ka njoftuar se gjatë javëve të fundit ka ndërhyrë në disa zona të Kosovës për të ndihmuar në shuarjen e zjarreve, me kërkesë të institucioneve vendore, raporton albinfo.ch.

Sipas njoftimit, më 18 gusht, në komunën e Gjakovës, KFOR-i ka kryer 12 shkarkime uji brenda pesë orësh për të lokalizuar vatrat e zjarrit. Më herët, më 11 gusht, në komunën e Kamenicës, trupat e KFOR-it kanë reaguar 11 herë gjatë një periudhe gjashtëorëshe.

Ndërhyrje të tjera janë kryer edhe në Mitrovicë më 26 korrik, ku janë raportuar 18 operacione ajrore për shuarje zjarri brenda katër orësh, si dhe në Drenas më 25 korrik, ku janë regjistruar 39 ndërhyrje në një periudhë 20-orëshe.

“KFOR-i mbetet i gatshëm, brenda mjeteve dhe aftësive të tij, për të mbështetur në parandalimin dhe menaxhimin e situatave emergjente në Kosovë”, thuhet në njoftimin e misionit të NATO-s, raporton albinfo.ch.