Kina, e interesuar të shtojë investimet në Evropë

Keystone EPA/GIUSEPPE LAMI

Ministri i Jashtëm i Kinës, Wang Yi, i pranishëm në portin më të madh të Greqisë u shpreh se Pekini dëshironte të promovonte më tej bashkëpunimin midis Kinës dhe Evropës.

Gjiganti kinez i transportit COSCO këtë muaj rriti aksionet  në portin më të madh tregtar të Pireut me 16%, nga 51% në 67%.

Pireu është shndërruar në një qendër kryesore të kalimit për mallrat e destinuara për portet e Mesdheut dhe Detit të Zi .

Athina, duke u rikuperuar nga një krizë financiare dhjetëvjeçare, është e etur për më shumë investime nga Kina.

“Sot diskutuam për forcimin e lidhjeve tona ekonomike, perspektivat për investime të mëtejshme. Ne presim me padurim projekte të reja investimi në portin më të madh në Mesdhe, një nga më të mëdhenjtë në botë… e kemi thënë vazhdimisht se Greqia mund të jetë një portë nga Azia në Evropë”, u shpreh ministri i Jashtëm grek, Nikos Dendias.

Ministri i Jashtëm kinez  u takua me kryeministrin grek, Kyriakos Mitsotakis, i cili diskutoi gjithashtu rritjen e investimeve dhe forcimin e lidhjeve në sektorët ekonomikë dhe kulturorë./Euronews