Klima gjermane e biznesit ka arritur kulmin në gjashtë vjetët e fundit

Disponimi në mesin e menaxherëve në Gjermani është përmirësuar dukshëm në muajin mars. Indeksi i klimës së biznesit Ifo ngrihet nga 111.1 pikë në 112.3 pikë, është e qartë nga studimi i përmuajshëm i Institutit të Mynihut në mesin e 7 mijë menaxherëve. Ky është niveli më i lartë që nga korriku i vitit 2011 dhe rritja është për t’u habitur, sepse të anketuar nga Dow Jones Newswires ekonomistët kishin pritur një vlerë të qëndrueshme prej 111 pikësh.

“Rritja është përshpejtuar”, tha presidenti i Ifo Clemens Fustel. Kjo është parametri më i rëndësishëm gjerman dhe është konsideruar si një tregues i besueshëm i zhvillimit të gjashtë muajve të ardhshëm.

Indeksi për vlerësimin e gjendjes aktuale kishte shënuar rritje në mars me 119.3 pikë nga 118.4 pikë sa ishte raportuar në muajin e kaluar. Parashikimi i analistëve ishte për një rënie të vogël me 118.3 pikë. Indeksi për pritjet e biznesit ishte 105.7 pikë në krahasim me 104.2 pikë nga muaji më parë, ndërsa ekonomistët presin vlerën e 104.1 pikëve.