Kolona e pushuesve para Tunelit Gotthard, 12 kilometra e gjatë

Në këtë fundjavë, pushimet verore të shkollave kanë filluar në Kantonin  e Cyrihut, më të madhin në Zvicër dhe në disa lande të Gjermanisë

Sezoni i pushimeve verore tashmë ka filluar në gjithë Evropën dhe me këtë, edhe fluksi i pushuesve nga e gjithë Evropa drejt jugut të ngrohtë. Një zhvillim i tillë gjithsesi reflektohet edhe në tunelin Gotthard të Zvicrës, i cili shërben si një “vrimë gjilpëre” për udhëtimin e evropianëve perëndimorë dhe veriorë drejt jugut.

Kjo u pa edhe sot, kur, që në orën 6 të mëngjesit, kolona e automjeteve në portën veriore të tunelit ishte e gjatë 12 kilometra, shkruan srf.ch. Në vazhdim, gjatë paradites së sotme, kjo kolonë u shkurtua duke rënë në 10 kilometra, transmeton albinfo.ch.

Si alternativë për tunelin, pjesëmarrësit në trafik në këtë linjë mund ta përdorin rrugën malore, shumë më të gjatë dhe më të vështirë për t`u kaluar.

Në këtë fundjavë, pushimet verore të shkollave kanë filluar në Kantonin  e Cyrihut, më të madhin në Zvicër. Gjithashtu sot është dita e parë e pushimeve verore edhe për nxënësit e republikës Nordrhein-Westfallen të Gjermanisë, që ka numrin më të madh të banorëve në Gjermani si dhe në provincat veriopre të Holandës. Të gjitha këto pasqyrohen patjetër në fluksin e madh të udhëtarëve në Tunelin Gotthard.

Ndërkaq, në shumicën e kantoneve zvicerane, pushimet verore të nxënësve kanë filluar para një jave.

---