Të huajve në Kantonin e Bernës duhet t’u lejohet të votojnë dhe të kandidojnë në zgjedhje në nivel komunal – me kusht që komuna përkatëse ta dëshirojë këtë. Komiteti i Këshillit të Madh (Parlamentit) për Politikë Shtetërore dhe Marrëdhënie me Jashtë (SAK) ka votuar në favor të të drejtave të tilla të votimit vullnetar për të huajt, tranmseton albinfo.ch.
Zbatimi do të kërkojë ndryshime në kushtetutën kantonale dhe ligjin komunal, siç thuhet në një njoftim për shtyp të lëshuar nga SAK në të martën.
Parakushtet për të drejtën e votimit do të ishin një leje qëndrimi e përhershme (Viza C) dhe qëndrim i vazhdueshëm prej të paktën dhjetë vjetësh në Zvicër, pesë vjetësh në Kantonin e Bernës dhe tre muajsh në komunën në fjalë, shkruan Keystone-SDA.
Sipas shumicës së komisionit, këto kritere sigurojnë që vetëm individët e integruar mirë mund të marrin pjesë në vendimmarrjen politike, përcjell albinfo.ch. Në disa komuna të Bernës, deri në një të tretën e popullsisë rezidente është aktualisht e përjashtuar nga vendimet demokratike.
Shumica e komisionit beson se të drejtat e votimit në nivel komunal forcojnë kohezionin social dhe rrisin potencialin për angazhim në sistemin e milicisë.
Megjithatë, një pakicë e hedh poshtë propozimin: e drejta e votës duhet të vazhdojë të rezervohet ekskluzivisht për qytetarët zviceranë.
