Kompania e shqiptarit “Albi eu” nga Salzburgu dhe UKZ-ja nënshkruan marrëveshje bashkëpunimi

Universiteti Publik “Kadri Zeka”, i përfaqësuar nga Rektori Prof. Dr. Bajram Kosumi dhe kompania Albi eu nga Salzburg i Austrisë, përfaqësuar nga B.A. (Econ.) Shiqeri Emërllahu, kanë nënshkruar marrëveshje bashkëpunimi në ngritjen profesionale të studentëve të UKZ-së, me qëllim të ofrimit të trajnimeve, donacioneve dhe ekspertizave të ndërsjella, njofton faqja e Universitetit të Gjilanit, transmeton albinfo.at.

Kjo Marrëveshje e Bashkëpunimit ka për qëllim përcaktimin e fushave të bashkëpunimit dhe kushteve, në bazë të cilave UKZ-ja dhe Albi eu. pajtohen për: realizimin e punës praktike të studentëve të UKZ në Albi eu, për të gjithë studentët e UKZ të organizohen trajnime për Teknologji Informative “IT” dhe për sektorin e Financave-Kontabilitetit, në koordinim me organizata të tjera qeveritare evropiane për UKZ do të ofrohen donacione për pajisje të teknologjisë informative etj.