Kompanitë zvicerane nuk parashikojnë recesion

Lajm i mirë në frontin ekonomik

Një sondazh i ri i rreth 100 CEO zviceranë, i kryer nga Deloitte, tregon se ata “duken të patrazuar nga lufta në Ukrainë dhe sanksionet e përhapura kundër Rusisë dhe Bjellorusisë”, njofton albinfo.ch.

Pavarësisht pasigurisë gjeopolitike dhe shqetësimeve për inflacionin, zinxhirët e furnizimit dhe çmimet e energjisë, shumica e 99 CEO-ve të anketuar nga Deloitte ende presin që ekonomia të rritet gjatë 12 muajve të ardhshëm.

Shumica gjithashtu mbeten optimiste në lidhje me perspektivën financiare për kompanitë e tyre, pasi ekonomia zvicerane është dëshmuar shumë elastike pas pandemisë së koronavirusit, tregon sondazhi.

Megjithatë, “situata mund të ndryshojë shpejt në varësi të mënyrës se si do të zhvillohet lufta”, tha Deloitte.

---