Komuniteti shqiptaro-amerikan kundërshton pjesëmarrjen e Vuçiqit në Asamblenë e Përgjithshme të OKB-së

Foto sc "X": @HarryBajraktari

Komuniteti shqiptaro-amerikan ka protestuar në New York, kundër pjesëmarrjes së presidentit serb, Aleksandar Vuçiq në Asamblenë e Përgjithshme të Organizatës së Kombeve të Bashkuara.

Përmes një postimi në rrjetin social “Twitter”, Harry Bajraktari, aktivist i njohur i komunitetit shqiptar, ka publikuar një video ku shihet një kamion me një ekran që shfaqte mesazhe kundër Vuçiqit dhe fakte nga lufta në Kosovë.

“Vuçiq = Millosheviç 2.0”, “Drejtësi për vëllezërit Bytyqi”, “Krimet e luftës të pandëshkuara: 13,950 të vrarë, 20,000 të dhunuar dhe 1,600 të zhdukur”, “Serbia ka gjak në duart e saj, ndaloni së mbrojturi kriminelët”, ishin disa prej këtyre mesazheve, transmeton albinfo.ch.

Komuniteti shqiptaro-amerikan ka kërkuar drejtësi për viktimat e luftës në Kosovë dhe ka denoncuar vonesën në ndëshkimin e krimeve të luftës.

https://x.com/HarryBajraktari/status/1838987138622177796