Konfiskohen mbi 11 kg substancë narkotike në Merdare

Drejtoria e Antidrogës së Kosovës ka pranuar një informatë nga njësia mobile e Doganës se Kosovës, të cilët në pikë kalimin kufitar në Merdar kishin ndaluar një autobus të një kompanie turistike me targa (KS), e cila mban linjën e rregullt nga Prishtina me një shtet tjetër europian, përcjell albinfo.ch.

Gjate kontrollimit të autobusit, udhëtarëve si dhe valigjeve të tyre, në bagazhin e autobusit kanë qenë (3) tri çanta, ku në to kishte 2 zmadhues zëri dhe një klimë për ftohje, e në brendi të tyre janë gjetur  (11) njëmbëdhjetë paketime me marihuanë. 

 Në lidhje me rastin është kontaktuar prokurori kujdestar dhe me urdhër të tij autobusi ndalohet për një kontroll të detajuar, perderisa janë intervistuar edhe dëshmitarë të rastit.