Konsumatorët zviceranë shpenzojnë shumë për produktet organike

@pixabay

Tregu i ushqimit organik në Zvicër përjetoi rritje më të ngadaltë në vitin 2021 sesa një vit më parë. Megjithatë, konsumatorët po shpenzojnë më shumë se kurrë për produkte organike.

Sipas shifrave vjetore të publikuara nga shoqata e ushqimit organik Bio Suisse të mërkurën, tregu i produkteve organike u rrit me 0.6% në vitin 2021, për të arritur një pjesë prej 10.9% të tregut total.

Në vitin 2020, shoqata regjistroi një rritje prej 4% në shitjet organike. Një nga arsyet e rritjes më të ngadaltë është se konsumatorët hanin në restorante më shumë dhe blenë më pak produkte organike për gatim në shtëpi sesa në vitin e parë të pandemisë, tha një zëdhënës i shoqatës për agjencinë Keystone-SDA, përcjell albinfo.ch.

Pavarësisht rritjes më të ngadaltë, shitjet organike tejkaluan 4 miliardë CHF për herë të parë. Në vitin 2020 tregu organik arriti në 3.9 miliardë CHF. Konsumatorët në Zvicër shpenzonin më shumë në bazë për frymë për produkte organike. Kjo arriti në 459 CHF për person më 2021 krahasuar me 445 CHF më 2020, përcjell tutje albinfo.ch.