Kontrollorët e trafikut ajror i japin fund grevës

Sot, Kontrollorët e trafikut ajror i kanë dhënë fund grevës. Kjo është arritur pas arritjes së një memorandumi mirëkuptimi në mes tyre dhe Ministrisë së Infrastrukturës.

“Grevës së kontrollorëve të trafikut ajror iu dha fund. Këtë paradite nënshkruam memorandum mirëkuptimi në të cilën listohen kërkesat e Shoqatës Sindikale të Kontrollorëve të Trafikut Ajror, pas përfshirjes së tyre në ligjin për paga”, ka thënë ministri i Infrastrukturës së Kosovës, Pal Lekaj, përcjell albinfo.ch.

“Mbetem i përkushtuar që të punoj drejt trajtimit të tyre si shërbim i veçantë. Udhëtarë të nderuar, fluturimet në Aeroportin Ndërkombëtar “Adem Jashari” do të vazhdojnë operimin pa pengesa”, thuhet tutje në njoftimin e lëshuar për media.