Kosova dhe Gjermania nisin negociatat për bashkëpunim zhvillimor dhe financiar

Kosova, ka nisë negociatat ndërqeveritare me Gjermaninë për bashkëpunim dhe përkrahje në aspektin zhvillimor dhe financiar.

Negociatat janë hapur në Ministrinë e Financave nga nga ambasadori gjerman në Republikën e Kosovës, Ernst Reichel.

Në këto negociata delegacioni i Kosovës përfaqësohet nga zëvendësministri i Financave, Ramadan Avdiu, kurse delegacioni i Gjermanisë nga shefi i Divizionit për Evropën Juglindore dhe Kaukazin në Ministrinë Federale për Bashkëpunim Ekonomik dhe Zhvillim, Leo Kreuz.

“Pas përfundimit të këtyre negociatave pritet të nënshkruhet edhe marrëveshje ndërqeveritare ndërmjet Qeverisë së Republikës së Kosovës dhe Qeverisë së Republikës Federale të Gjermanisë”, thuhet në njoftimin e Ministrisë së Financave.