Kosova humb miqësoren me Suedinë

Ndeshja është zhvilluar në Doha të Katarit dhe përfundoi me fitoren minimale të suedezëve

Kosova ka pësuar humbje nga Suedia me rezultat 1:0, në ndeshjen miqësore jo-zyrtare që është zhvilluar në Doha të Katarit, shkruan albinfo.ch.

Për shkak të orarit, në këtë ndeshje për Kosovën kanë luajtur shumë futbollistë të Superligës së Kosovës, por edhe disa lojtarë që nuk kanë pasur shumë hapësirë.

Milot Rashica, Vedat Muriqi e futbollistët tjerë nuk kanë mundur t’i bashkohen Dardanëve në këtë përballje.

Edhe pse me një formacion më ndryshe, lojtarët e Kosovës kanë dhuruar një ndeshje të mirë, por në fund pësuan 1:0.

Hedlund shënoi golin e vetëm për suedezët në minutën e 75-të.

 

---