Kosova, jo si Bosnja

Ambasadori francez në Kosovë, Fransoua Fitou ka përkrahur sërish aksionin e qeverisë së Kosovës në veri

Diplomati francez ka thënë se nuk mund të ketë kthim prapa në situatën e para 25 korrikut.

“Ndarja e veriut të Kosovës as që diskutohet, mirëpo ajo çka ne këshillojmë është që t’i kthehemi edhe një herë zbatimit të Pakos së Ahtisarit, e cila pako jep mundësi të mëdha për decentralizim, dhe sa për mua është ndër dokumentet më fleksibile që ka Kosova, e përmes së cilës mund të gjejmë një zgjidhje për veriun e Kosovës”, ka thënë diplomati francez.

Në Kosovë sipas tij nuk do të përsëritet Bosnja e dytë, nuk do të ketë ndarje.

“Ajo që ne duhet t’i japim rëndësi është zbatimi i Pakos së Ahtisarit, luftimi i kontrabandës dhe krimit të organizuar, vendosjen e sundimit të ligjit, si dhe të punojmë për integrimin e Kosovës në BE”, ka thënë Fitou.