Me zgjedhjen e presidentes, Kosova evitoi zgjedhjet

Në një deklartë të fundit, kreu i Aleancës Kosovare të Biznesit, Agim Shahini, ka thënë se me zgjedhjen e presidentes dhe evitimin e zgjedhjeve, Kosova ka shpëtuar 20 milionë euro, transmeton albinfo.ch.

Shahini tha se pas këtij hapi për formimin e institucioneve, bizneset dhe qytetarët e Kosovës presin vendime të shpejta për të dalë nga kriza ekonomike e shkaktuar nga pandemia, që në mungesë të institucioneve do të thellohej edhe më shumë.

“Kosova u shpëtoi zgjedhjeve, i kurseu rreth 20 milion €. AKB vlerëson votimet e brendshme si shpëtim nga zgjedhjet e jashtëzakonshme e humbjes së kohës dhe e shpenzimeve më shumë se 20 milionë euro, prandaj vendimet individuale të deputetëve të Parlamentit si autonome nga partia, por si të fituar nga votuesit të atij subjekti politik ishin përcaktues të zgjedhjes së Ppresidentit të vendit”, ka shkruar ai.

“Bizneset dhe qytetarët e Kosovës presin vendime të shpejta për të dalë nga kriza ekonomike pandemike e politike që në munges të institucioneve do thelloheshin edhe më shumë”.

“AKB e uron Presidenten e Kosovës, Vjosa Osmani, që mbi interesin politik e individual të ketë atë shtetëror e qytetar, pa dallim përcaktimi fetar, politik e nacional”, thuhet në shkrimin e Shahinit.