Kosova ndalon importin e vajit të palmës

Ministri i Tregtisë dhe Industrisë, Vesel Krasniqi, ka marrë vendim për ndalimin e përkohshëm të vajit të palmës dhe importit të djathit dhe produkteve të ngjashme të djathit me yndyrë bimore (vaji i palmës).

Me këtë vendim obligohen mekanizmat inspektues të institucioneve të Kosovës që t’i inspektojnë dhe njëkohësisht edhe t’i obligojnë operatorët ekonomikë të bëjnë ndarjen e produkteve të qumështit me yndyrë bimore (vaj palme) prej atyre me origjinë shtazore nëpër pikat tregtare në tregun e Kosovës.

Kërkesën për ndalimin e importimit të vajit të palmës e kanë parashtruar fermerët kosovarë, të cilët shpeshherë janë detyruar të hedhin qumështin pët shkak të përdorimit të vajit të palmës në produktet e qumështit nga shumë kompani.