Kosova në terr, Qeveria thotë se e vetmja zgjidhje janë reduktimet e energjisë

@pixabay

Kriza energjetike e cila ka përfshirë Kosovën është më e rënduar sesa është planifikuar. Kështu tha në një konferencë për media, ministrja e Ekonomisë, Artane Rizvanolli.

“Situata është përkeqësuar nga java në javë dhe nga dita në ditë. Mosoperimi i plotë i kapaciteteve gjeneruese në Korporatën Energjike të Kosovës, ka qenë një faktor që e ka bërë situatën më të keqe sesa që e kemi vlerësuar paraprakisht. Përveç kësaj, situata është rënduar edhe në tregjet ndërkombëtare. Prandaj po e gjejmë veten në situatë më të rënduar, e më të rënduar”, tha ajo. Më tutje, Rizvanollo tha se deri tek përkeqësimi i stiatës ka ardhur pasi konsumi i energjisë ditëve të fundit ka shënuar rritje për 14 për qind. E në këto kushte, sipas saj, ky konsum nuk mund të mbulohet nga kapacitetet prodhuese të Korporatës Energjetike të Kosovës, transmeton Albinfo.ch.

Rizvanolli arsyetoi reduktimet duke thënë se janë e vetmja zgjidhje në këtë situatë.