Kosova nënshkruan marrëveshje për bashkëpunim doganor me Slloveninë

Kosova dhe Sllovenia kanë nënshkruar marrëveshjen për bashkëpunim doganor, e cila ka për qëllim luftimin e evazionit fiskal nga mos deklarimi real i të dhënave për mallin që importohet përkatësisht eksportohet nga vendet tona.

Ministri i Financave, Bedri Hamza, ka theksuar se nënshkrimi i kësaj marrëveshjeje është pjesë e bashkëpunimit të shkëlqyeshëm me Ministrinë e Financave të Sllovenisë .

Marrëveshja, do të ndikojë edhe në shmangien e diskriminimit ndërmjet personave të huaj dhe atyre vendor qofshin ata persona juridikë apo fizikë.

Ministri i Financave, Bedri Hamza me ftesë të ministrit të Financave të Sllovenisë, Franc Krizhaniq, gjendet për vizitë zyrtare në Slloveni, i shoqëruar nga drejtori i përgjithshëm i Doganave, Naim Huruglica dhe drejtori i përgjithshëm i Administratës Tatimore, Behxhet Haliti.