Kosova nis masat e reciprocitetit ndaj Serbisë dhe Bosnje e Hercegovinës

Vendimi vjen pas shtyrjes së dialogut për shkak të mosgatishmërisë së Serbisë për t’i pranuar vulat e Kosovës

Ministrja e Tregtisë dhe e Industrisë, Mimoza Kusari-Lila, ka marrë vendim për nisjen e masave të reciprocitetit ndaj Serbisë dhe Bosnjës. Vendimi vjen pas shtyrjes së dialogut për shkak të mosgatishmërisë së Serbisë për t’i pranuar vulat.

Ministrja Mimoza Kusari-Lila ka thënë në mbledhjen e qeverisë së Serbia nuk ka pasur gatishmëri për vulat doganore dhe pas konsultimit me të gjithë dhe bazuar në Kushtetutë e ligje ka nxjerrë vendim për masa reciprociteti me Serbinë dhe Bosnjën. Me këtë vendim ndalohen të gjitha produktet serbe dhe importimi i mallrave që kanë këto vula.

Ndërsa, me Bosnjën, sipas këtij vendimi do të aplikohet taksa doganore prej 10 %, ashtu si e aplikon ky shtet për mallrat e Kosovës. Doganat e Kosovës　obligohen që menjëherë të nisin zbatimin e këtij vendim.　

Ndërkohë kreu i delegacionit të Serbisë ka thënë se ky vendim do të sjellë efekte të panevojshme edhe në procesin e dialogut.