Kosova po përballet me epidemi të gripi sezonal

Instituti Kombëtar i Shëndetësisë Publike dhe Shërbimi Spitalor dhe Klinik Universitar i Kosovës njoftojnë se vendi po përballet me epidemi të gripi sezonal.

Në mbledhjen e komitetit për Gripin Sezonal është konstatuar se një rast i vdekur me influencë A, pacienti ka pasur sëmundje kronike përcjellëse.

Në laboratorët e Qendrës Kombëtare të gripit në Institutin Kombëtar të Shëndetësisë Publike deri më 22 shkurt janë testuar gjithsej 661 mostra të dyshimta me influencë, prej tyre 240 raste rezultojnë pozitive në influencën e tipit A, përcjell albinfo.ch.

IKSHP-ja thotë se mbeten në fuqi rekomandimet deritashme. Ndërsa kanë kërkuar nga Ministria e Arsimit e Kosovës që tu rekomandojë të gjitha institucioneve arsimore që në rast se vërehet kur fëmijët dhe nxënësit kanë shenja dhe simptoma të gripit t’i shmangen kontaktit me nxënës të shëndoshë dhe të qëndrojnë në shtëpi.

Instituti Kombëtar apelon tek qytetarët që të kenë kujdes e mos të dalin në ambient të ftohtë, të mos qëndrojnë në lokale të mbyllura me dendësi të madhe të njerëzve dhe të përdorin sa më shumë lëngje të nxehta dhe vitamina.