Kosova renditet vendi më i lumtur në rajon

Sheshi Prishtine - Photo - Bleron Llugiqi

Kosovarët u renditen populli më i lumtur në rajonin e Ballkanit Perëndimor, përcjell albinfo.ch.

Referuar në gjetjet e Raportit të Lumturisë Botërore, që bazohet kryesisht në vlerësimet e jetës, i bërë nga sondazhi botëror i Gallupit, Kosova u renditet si e 32-ta si vendi më i lumtur në gjithë botën, ndërsa bie në sy dallimi i “lumturisë” mes Kosovës e Shqipërisë, e cila kjo e fundit, u renditet e 90-ta.

Kosova, në krahasim me vendet e rajonit është vlerësuar si vendi më i lumtur, për dallim nga Serbia, që gjendet në vendin e 43-të, Mali i Zi në vendin e 75-të dhe Maqedonia e Veriut në atë të 89-të.