Kosova sërish me pavijon të filmit në Tokio

Pas tregut të Berlinales, Cannes dhe American Film Market, ky është tregu i katërt ku Qendra Kinematografike e Kosovës prezenton industrinë e filmit kosovar në botë.

Kosova për herë të dytë të do të jetë pjesë e tregut të filmit “Japan Content Showcase – TIFFCOM 2018”, që është aleat i festivalit të madh “Tokyo International Film Festival”, njofton Qendra Kinematografike e Kosovës. Në njoftim thuhet se kjo është bërë e mundur në koordinim me Ambasadën e Kosovës në Japoni.

Pas tregut të Berlinales, Cannes dhe American Film Market, ky është tregu i katërt ku Qendra Kinematografike e Kosovës prezenton industrinë e filmit kosovar në botë.

“Japan Content Showcase është treg i madh i industrisë së filmit, TV-së, muzikës dhe animacionit, i cili mbahet nga 23 deri më 25 tetor 2018. Sivjet marrin pjesë 371 ekspozues, ndër ta 208 nga Japonia dhe 163 nga shtete tjera. Të pranishëm me pavijon janë edhe shtetet e Amerikës Latine, Rusia, Kazakistani, Libani, Lituania, India, Zvicra”, thuhet në njoftim.

 

---