Kosova solidarizohet me Norvegjinë

Në shenjë solidariteti presidentja e Kosovës, Atifete Jahjaga, zyrtarë të Ministrisë së Punëve të Jashtme të Kosovës, bashkë me organizata joqeveritare dhe qytetarët kanë ndezur qirinj, për të shprehur solidaritetin me familjet e viktimave të tragjedisë në Norvegji.

Ndezja e qirinjve është bërë të hënën mbrëma para Teatrit Kombëtar në Prishtinë.

Në ngjarjen tragjike në Utoja nuk dihet ende për fatin e disa të rinjve, në mesin e të cilëve është edhe e reja 17-vjeçare Lejla Selaci nga babai kosovar dhe nëna norvegjeze. Në momentin e shpërthimit të bombës, Selaci me prejardhje nga Kosova, ishte në një delegacion në Konventën e të Rinjve.

Kryqi i Kuq norvegjez njoftoi se kërkimet do të vazhdojnë, por se mundësitë për të gjetur të mbijetuar tani janë minimale.

© Në shenjë solidariteti presidentja e Kosovës, Atifete Jahjaga.