Kosovarët e dëbuar nga Zvicra, kthehen ilegalisht dhe bëjnë 78 vjedhje!

Policia ka zbuluar se bëhej fjalë për një grup personash nga Kosova, të cilët edhe në vitet 2006-2007 kishin qenë të ndjekur për delikte të ngjashme. Atëbotë ishte konstatuar se ata kishin bërë më shumë se 200 vjedhje me thyerje

Policia e Kantonit të St.Gallenit, kishte identifikuar në periudhën 2013-2014 një rritje të numrit të vjedhjeve shumë profesionale të trezorëve nëpër shtëpi dhe firma, shkruntagblatt.ch. Më vonë ajo ka zbuluar se bëhej fjalë për një grup personash nga Kosova, të cilët edhe në vitet 2006-2007 kishin qenë të ndjekur për delikte të ngjashme. Atëbotë ishte konstatuar se ata kishin bërë më shumë se 200 vjedhje me thyerje dhe ishin dënuar me burgime shumëvjeçare.

Pastaj, ata në vitin 2012 ishin dëbuar nga Zvicra dhe u ishte ndaluar kthimi për disa vite.

Në dhjetor 2015 policia pati arrestuar tre persona: dy 34 vjeçarë dhe një 25 vjeçar, të tre nga Kosova. Në nëntor 2014 pastaj ishte kapur në Danimarkë një i katërt si i dyshuar për vjedhje dhe i ishte ekstraduar Zvicrës. Që të gjithëve u qe shqiptuar masa e paraburgimit.

Më tutje policia ka ndjekur edhe 3 të dyshimtë si pjesë e grupit të përmendur më lart. Ata kishin vjedhur me force në shumë raste në kantonin Thurgau dhe në Principatën e Lichtensteinit. Gjithsej është dëshmuar autorësia e 78 vjedhjeve me dhunë.

Llogaritet se shuma e vjedhur mbërrin në rreth gjysmë milioni franga.

Policia është në kërkim të tre pjesëtarëve të grupit ndërkohe që tre të tjerë po qëndrojnë në paraburgim.