Kosovarët, të dytët me shtim pas gjermanëve

Popullata e huaj është rritur më shumë se sa ajo e vendit. Ajo është shtuar për 4.3% ose 56.930 gjithsej, duke bërë kështu 22.4% të të gjithë banorëve në kanton

Në fund të vitit  2012 në kantonin Thurgau kanë jetuar 254.500 banorë, gjë që është për 1.6 për qind ose 3890 veta më shumë se një vit më parë. Më së shumti është rritur popullsia në qarkun e Kreuzlingenit, gjithsej 2% ose për 2200 veta.  

Popullata e huaj është rritur më shumë se sa ajo e vendit. Ajo është shtuar për 4.3% ose 56.930 gjithsej, duke bërë kështu 22.4% të të gjithë banorëve në kanton.

Më të shumtët nga të huajt në kantonin Thurgau janë gjermanët, 19.220 veta, ose për 7 për qind më shumë se një vit më parë. Rritja, shprehur me numra, është për 1270 më shumë, ose pesë herë më shumë se s te kosovarët. Në vendin e dytë për shtimin e popullatës së huaj vijnë shtetasit e Kosovës, (plus 250) dhe ata të Portugalisë (plus 220).

Ndërkaq popullata me pasaportë zviceranë është rritur për 0.8%, ose 1530 njerëz më shumë në krahasim me një vit më parë.