Kosovë: Arrijnë trupat turke në kuadër të KFOR-it

NATO ka njoftuar se në Kosovë kanë arritur trupat përforcuese turke në kuadër të KFOR-it.

Kjo vjen pasi protestuesit serbë në Zveçan kanë lënë të lënduar 30 ushtarë të KFOR-it, më 29 maj.

“Përforcimet e NATO-s kanë filluar të mbërrijnë në Kosovë pas dhunës së javës së kaluar, ku u plagosën 30 persona nga trupat paqeruajtës të KFOR-it. Rreth 500 pjesëtarë të shërbimit turk nga batalioni i Brigadës 65 të mekanizuar të këmbësorisë së Turqisë do të përbëjnë pjesën më të madhe të përforcimeve të NATO-s”, ka bërë të ditur Aleanca Veriatlantike.