Kosova

Kosovë: Mbi tre mijë e 500 raste aktive me COVID 19

E diel, 23 Gusht 2020 - 9:00 albinfo.ch

KEYSTONE/EPA/VALDRIN XHEMAJ

Numri i të infektuarve me koronavirus në Kosovë vazhdon të mbetet i lartë. Megjithatë, në javën e fundit është shënuar një rënie e lehtë e rasteve.

Në Kosovë janë 3 mijë e 571 raste aktive me koronavirus, prej të cilëve 516 janë duke u trajtuar në spitalet publike.

Instituti Kombëtar i Shëndetit Publik ka njoftuar se deri më tani në Kosovë janë regjistruar 12 mijë e 168 raste pozitive, nga mbi 46 mijë e 500 të testuar që nga muaji mars, shkruajnë mediat atje, përcjell albinfo.ch.

Deri më tani numri i përgjithshëm i të shëruarve është gjithsej 8.346, kurse numri i rasteve aktive është 3.534.

Nga fillimi i pandemisë, më 13 mars, kur edhe u shënuan rastet e para me koronavirus, numri total i rasteve të vdekjes është 457 persona.

Në anën tjetër, SHSKUK ka njoftuar se 516 pacientë po trajtohen për Covid-19, prej të cilëve 18 janë në respiratorë, 27 me CPAP dhe 347 po trajtohen me oksigjenoterapi.