Demantohet propaganda ruse se Kosova po dërgon mercenarë në Ukrainë

Kosova ka edhe ligjin që u ndalon shtetasve të vet pjesëmarrjen në luftëra jashtë vendit

Ministria e Punëve të Jashtme e Kosovës ka demantuar deklaratat e ministrit të Jashtëm të Rusisë, Sergei Lavrov, sipas të cilit “po rekrutohen mercenarë në Kosovë e Shqipëri për të luftuar në Ukrainë“, transmeton Albinfo.ch.

“MPJD vlerëson se deklaratat e agjencisë së lajmeve TASS dhe ministrit Lavrov janë pjesë e një fushate të egër të propagandës ruse që kanë për qëllim tërheqjen e vëmendjes së gjithë botës demokratike nga ankthi që po krijon politika hegjemoniste dhe e diktatit rus mbi të drejtat e popujve për jetë të lirë e sovrane”, thuhet në reagimin e MPJ-së. Kjo fushatë e egër ruse kundër Kosovës dhe vendeve të tjera të Ballkanit Perëndimor, ndër të tjera, ka për qëllim edhe tensionimin e situatës në Kosovë dhe më gjerë në rajon përmes satelitit rus në Ballkan, Serbisë”, thuhet në reagim.

 

---