Kosovë: Nesër zgjedhet Avokati i Popullit

Keystone (AP Photo/Visar Kryeziu)

Drejtoria për Media dhe Marrëdhënie me Publikun nga Kuvendi i Republikës së Kosovës, ka bërë të ditur se nesër do të mbahet vazhdimi i seancës plenare të Kuvendit.

Deputetët do të mblidhen në orën 12:00, ndërsa rendi i ditës do të jetë: Zgjedhja e Avokatit të Popullit.

“Duke pasur parasysh që e gjithë hapësira e sallës plenare të Kuvendit, përfshirë edhe ballkonin, vazhdon të jetë në dispozicion të deputetëve, në respektim të masave të ndërmarra për shkak të situatës pandemike, ju njoftojmë se prezenca mediave në këtë seancë, do të jetë e pamundur.

Duke kërkuar mirëkuptimin tuaj, ju njoftojmë se Kuvendi do të ofrojë linkun e transmetimit të drejtpërdrejtë të kësaj seance, nëpërmjet:

·        Ueb faqes së Kuvendit,

·        Kanalit zyrtar të Kuvendit në youtube, si dhe

·         RTK-së, si medium publik”, thuhet në njoftim.