Kosovë, nga sot nis detyrimi për pajisje dimërore në automjete

(KEYSTONE/Martin Ruetschi)

Bëhet e ditur se prej sot deri më 15 mars është i obligueshëm posedimi i pajisjeve dimërore në automjete, në pajtim me dispozitat e përcaktuara në Rregulloren për posedim të obligueshëm të pajisjeve në automjet, biçikletë për pjesëmarrje të sigurt në komunikacionin rrugor, si dhe të traktorëve për realizimin e punëve bujqësore, përkatësisht punëve në pyje, informojnë nga Ministria e Punëve të Brendshme.

Pneumatikë dimëror janë ata pneumatik, të cilët në anën anësore kanë shenjën “MS”, “M+S”, “M&S” ose shenjën e fjollave të borës. Ligjërisht është e ndaluar vendosja e pneumatikëve me gozhda.

“MPB apelon  deri te qytetarët t’i përmbahemi detyrimit ligjor për posedimin e pajisjeve dimërore, për arsye se në këtë mënyrë mundësojmë që trafiku të zhvillohet pa pengesa dhe i sigurt nëpër rrugët në kushte dimërore”, thonë nga MPB.