Kosovë: Ngiste automjetin me 200 kilometra në orë, i merret patentëshoferi

Nuk janë të rralla rastet kur shoferët e tejkalojnë normën e lejuar të shpejtësisë. Madje, ka raste të tilla kur zhvillojnë shpejtësi edhe në mbi 200 kilometra në orë. Një rast i tillë ka ndodhur së fundmi në një zonë, ku kufizimi i shpejtësisë është 80 km/h e ku është identifikuar shoferi duke drejtuar mjetin me 202 km/h.

Ai është dënuar me 300 € dhe 3 muaj i është ndaluar drejtimi i mjetit me veprim motorik në territorin e Republikës së Kosovës.

“Do të vazhdojmë me ndërmarrjen e masave dhe veprimeve policore ndaj kundërvajtësve të ndryshëm, të cilët rrezikojnë sigurinë në trafikun rrugor”, thuhet në komunikatën e policisë.