Kosovë: Prindërit paralajmërojnë çregjistrim të fëmijëve nga shkollat nëse nuk nis mësimi

Paqartësia e krijuar nëse të hënën e 3 tetorit nis mësimi ose jo, ka ashpërsuar gjuhën e Këshillit të Prindërve në Kosovë, shkruan Albinfo.ch.

Përmes një reagimi ata kanë paralajmëruar se nëse nuk fillon mësimi më 3 tetor, atëherë do të nisin çregjistrimin e fëmijëve nga shkollat.

“Nëse më 3 tetor nuk fillon mësimi në gjithë Kosovën, do të kërkojmë çregjistrim masiv nga shkollat dhe sistemi arsimor do të kolapsojë. Nuk do të ketë më nevojë as për shkolla, as për mësimdhënës e as për institucione arsimore!”, bëhet e ditur në njoftim.

Kjo thirrje sipas tyre, nuk i përjashton edhe format e tjera të shprehjes së pakënaqësisë: protesta, marshe, hyrje në shkolla.

---