Kosovë: Zgjatet orari për aplikimin për pasaporta, punohet edhe të shtunave

(KEYSTONE/Arno Balzarini)

Agjencia e Regjistrimit Civil e Ministrisë së Punëve të Brendshme në Kosovë, ka marrë vendim që të gjitha Qendrat për pajisje me dokumente, gjatë ditëve të punës të punohet me orar të zgjatur deri në orën 18:00, si dhe të shtunave deri në orën 16:00.

Po ashtu edhe Drejtorati për Prodhim të dokumenteve, gjatë ditëve të punës do të punojë me dy ndërrime, si dhe të shtunave deri në orën 16:00.

“Ky vendim është marr në mënyrë që të ju lehtësojnë qytetarëve planifikimin e kohës, dhe të zvogëlojë pritjet për pajisje me dokumente personale. Ky vendim për rritjen e orarit, do të zgjasë deri tek një vendim tjetër, për të cilin do të ju njoftojmë me kohë”, thuhet në njoftimin e Ministrisë së Punëve të Brendshme.