Kostoja e ndihmave sociale në Zvicër është rritur për 12 %

Shkaku i parë është ngritja e çmimit të banesave ndërsa i dyti, fakti se sot ka më tepër familje me vetëm njërin prind që jeton vetëm me fëmijët

Kostoja e ndihmave sociale në Zvicër, në vitet e fundit ka shënuar rritje të theksuar, thuhet në një raport të përpiluar për nevoja të Këshillit Federal. Kjo ngritje është 12 për qind dhe i referohet periudhës 2005-2015, shkruan srf.ch.

Shuma e përgjithshme e shpenzuar për ndihmat sociale gjatë kësaj periudhe është rritur për 1 miliard franga

Sipas raportit në fjalë, janë dy shkaqe që kanë sjellë këtë rritje. Shkaku i parë është ngritja e çmimit të banesave ndërsa i dyti, fakti se sot ka më tepër familje me vetëm njërin prind që jeton vetëm me fëmijët, transmeton albinfo.ch. Me fjalë tjera ka më pak familje klasike me burrë, grua dhe fëmijë. Gjithmonë familjet dhe amvisnitë e tilla kushtojnë më tepër, ose janë më shumë të varura nga ndihmat sociale.

Konferenca Zvicerane për Ndihma Sociale Skos ka küerkuar që, nisur nga kjo bazë, të stimulohet ndüertimi i banesave sociale. Po ashtu efekt pozitiv për familjet kanë edhe ndihmat kompensuese, të cilat praktikohen në disa kantone.