Krasniqi, planifikon të kërkojë 20 milion euro për dikasterin e vetë

20 milionë euro është buxhetore e Ministrisë së Kulturës, të Rinisë dhe të Sporteve për vitin 2012.

I pari i kësaj ministrie, Memli Krasniqi, ka bërë të ditur këtë shifër, por ka thënë se e di që Qeveria nuk do të ketë mundësi ta aprovojë atë. Megjithatë kërkesën e tij Krasniqi e ka quajtur reale.

“Normalisht të gjitha agjencitë buxhetore i kanë kërkesat më të mëdha sesa që realisht mund të ndahen”, ka thënë ministri Krasniqi , shkruan “Koha Ditore”.

Më se 20 milionë ka qenë kërkesa e MKRS-së për buxhetin e sivjetmë, por I janë ndarë 13 milionë euro.

Drejtuesit e institucioneve të kulturës tashmë e dinë “traditën” e ndarjes së buxhetit për ta.

Ndonëse shpresojnë që do të ketë rritje të buxhetit të shtetit për kulturë, ata thonë se tashmë janë mësuar të punojnë me këtë dinamikë dhe me këtë buxhet.

Shumë shpejt edhe ata do të nisin në adresë të MKRS-së kërkesat për buxhetin e vitit 2012.