Krijohet Fondi i Sigurisë, Kurti fton diasporën për kontribut

Kryeministri i Kosovës, Albin Kurti, ka bërë të ditur se ka themeluar Fondin e Sigurisë.

Ai ka ftuar qytetarët e Kosovës dhe bashkatdhetarët në diasporë, por edhe donatorë të tjerë të kontribuojnë për sigurinë shtetërore.

“Mjetet e mbledhura financiare synohet të përdoren në përputhje me strategjinë e sigurisë shtetërore të Republikës së Kosovës që pritet të miratohet nga Qeveria e Republikës së Kosovës. Funksionimi i këtij fondi do të rregullohet me akte përkatëse procedurale dhe do të përdoret ekskluzivisht për qëllimin e përcaktuar nga qeveria”, ka shkruar Kurti, përcjell Telegrafi.
Kurti ka thënë se “në përputhje me legjislacionin në fuqi do të zbatohen procedurat për prejardhjen e mjeteve financiare me qëllim të ruajtjes së integritetit të fondit dhe qëllimit të tij. Ftohen qytetarët e Kosovës dhe bashkatdhetarët tanë në diasporë, por edhe donatorë të tjerë të kontribuojnë për sigurinë shtetërore”, ka shkruar Kurti, transmeton Albinfo.ch.