Krizë turizmi në Itali

redcharlie @redcharlie

Ky vit do të mbyllet me shifra katastrofike për turizmin italian, me të paktën 60 milionë të ardhura dhe mijëra kompani që do të mungojnë krahasuar me vitin 2019 dhe 13 milionë udhëtime më pak të italianëve jashtë vendit.

Alarmi është dhënë nga shoqata Confcommercio dhe presidenti i saj, Carlo Sangalli, i cili i kërkoi qeverisë më shumë mbështetje.

Ndërkohë me rritjen e infektimeve, janë në rrezik pushimet e miliona italianëve. Rritjet e të infektuarve me variantin Omicron kanë çuar në më shumë anulime.

Vetëm për festat mes Krishtlindjeve, Vitit të Ri dhe Epifanisë, krahasuar me 25 milionë nisjet e planifikuara nga italianët, vetëm pak muaj më parë, tashmë 5 milionë janë anuluar dhe 5.3 milionë janë modifikuar duke ulur numrin e festave apo duke zgjedhur një destinacion më të afërt.

7 milionë udhëtime mbeten pezull.