Kroatët dhe malazezët së shpejti me status të pakicave

Podgorica, edhe pse e ka njohur Kosovën, nuk ka lidhur marrëdhënie diplomatike me Prishtinën, duke kërkuar që malazezët të njihen si pakicë

Me një vendim të Qeverisë dy bashkësitë etnike që nuk ishin të njohura në të kaluarën – bashkësia malazeze dhe ajo kroate, në të ardhmen do të marrin statusin e pakicave.

Në takimin që zëvendëskryeministri dhe ministër i Pushtetit Lokal në Qeverinë e Kosovës, Slobodan Petrovic ka zhvilluar sot me ministrin për të Drejtat e Pakicave në Qeverinë e Kosovës, Ferhat Dinosha, ka konfirmuar se bashkësia malazeze në Kosovë do të fitojë statusin e pakicës kombëtare dhe si e tillë do të përfshihet në institucionet shtetërore kosovare.

“Dinosha ka shprehur kënaqësi për ndryshimin e statusit të bashkësisë malazeze me ndryshimet kushtetuese në Kosovë”, thuhet në njoftimin e zyrës së zëvendëskryeministrit Petrovic.

Ndryshe, Podgorica zyrtare, edhe pse e ka njohur Kosovën, nuk ka lidhur marrëdhënie diplomatike me Prishtinën, duke kërkuar që malazezët të njihen si pakicë.