Kryeministri Haradinaj, në vizitë disa familjeve për Festën e Pashkëve

Ramush Haradinaj (Facebook)

Në kuadër të Festës së Pashkëve, kryeministri i Kosovës, Ramush Haradinaj, ka vizituar katër familje në Gjakovë dhe Klinë, shkruan albinfo.ch.

E në njërën nga këto vizita i është bashkuar edhe kryeparlamentari Kadri Veseli.

“Shqiptarët, shekuj me radhë, kanë kremtuar bashkë festat fetare të njëri-tjetrit. Kjo pasuri, është ndër vlerat më unike të së kaluarës dhe të sotmës së shqiptarëve. Sipas traditës sonë të çmuar, me kryeparlamentarin Kadri Veseli, në familjen e Lekë Lekajt në Novosellë të Gjakovës, për ta ndarë së bashku gëzimin e festës së Pashkëve”, ka shkruar Haradinaj përmes faqes zyrtare në Facebook.

Para kësaj, Haradinaj ka qëndruar për vizitë në Palabardh të Gjakovës, në familjen e mikut të tij të ndjerë, Tomë Hajdaraj, përcjell albinfo.ch.

Po ashtu, Haradinaj ka vizituar familjen e Petrit Palushajt në Krushevë të Madhe të Klinës dhe familjen e Don Fran Kolës në Zllakuqan të kësaj komune.