Kryeministri i Shqipërisë paralajmëron masa të reja për lojërat e fatit

Kryeministri i Shqipërisë, Edi Rama, ka deklaruar se do të merren masa të reja në Kodin Penal për lojërat e fatit. Gjatë takimit të radhës në Librazhd për zgjedhjet e 30 qershorit, Rama tha se organizuesit e bixhozit do të futen në burg, përcjell albinfo.ch.

“16 pika bastesh ka pasur këtu. Mbaroi kjo punë, të gjitha pikat janë kthyer në biznese të vogla, bare, lokale. Por e di që ka akoma probleme me ata që luajnë online dhe organizojnë lojëra. Online e ka problem e gjithë bota. Sot ka ardhur koha të marrim disa masa të reja në Kodin Penal, që po i përgatisim dhe janë të domosdoshme. Kush organizon bixhoz, të shkojë në burg”, theksoi Rama.