Kryesimi i CEFTA-s nga Kosova nuk ka treguar ndonjë sukses

Prishtina ka arritur, që të eliminojë problemet ekonomike me Beogradin, pasi ky, që nga 2008-ta, kishte shkelur marrëveshjen CEFTA

Kosova me sukses po menaxhon Marrëveshjen e Tregtisë se Lirë me vendet e Evropës Qendrore, të njohur më shkurtesën CEFTA, thonë zyrtarë të qeverisë.

Gjatë këtij viti, Prishtina zyrtare ka arritur, që të eliminojë problemet ekonomike me Beogradin zyrtar, pasi ky i fundit, që nga 2008-ta, kishte shkelur marrëveshjen CEFTA, duke mos lejuar hyrjen e mallrave kosovare në territorin e Serbisë, raporton Radio Evropa e Lirë.

Flamur Keqa, nga Ministria e Tregtisë dhe Industrisë, thotë se menaxhimi i CEFTA-s nga autoritetet kosovare ka shkuar në mënyrë normale.

Kryesimi i CEFTA-s nga Kosova nuk ka treguar ndonjë sukses për qarkullimin e mallrave kosovare në vendet anëtare të këtij mekanizimi, thonë përfaqësues të komunitetit të biznesit.

Agim Shahini, udhëheqës i Aleancës Kosovare të Biznesit, thekson se bizneset kosovare kanë pritur më shumë nga Prishtina zyrtare gjatë këtij viti, kur ka kryesuar CEFTA-n.

Që nga 1 janari i këtij viti Kosova mori nën menaxhim CEFTA-n, pikërisht nga shteti i Serbisë.

Takimet e para të marrjes se presidencës, janë mbajtur në Bruksel, ndërsa në muajin korrik, dy takime janë mbajtur në Prishtinë.

Ndërsa që nga 1 janari i vitit 2012, presidencën e radhës të CEFTA-s, Kosova do t’ia dorëzojë Shqipërisë.