Kryesindikalisti zviceran kërkon rritje prej 5% të pagave

Maillard: "Ne do të kërkojmë paga më të larta. Në përgjithësi, kërkesa për rritje të pagave do të jetë rreth një mesatareje prej pesë për qind"

Pierre-Yves Maillard, kryetar i Konfederatës së Sindikatave Zvicerane, ka kërkuar rritje të konsiderueshme të pagave në rrethanat e inflacionit, i cili aktualisht është 3.4 për qind, transmeton albinfo.ch.

Në një intervistë me “SonntagsZeitung” mbi negociatat e ardhshme të pagave, Maillard është shprehur: “Ne do të kërkojmë paga më të larta. Çdo gjë tjetër do të ishte katastrofike për tregun e punës dhe konsumin. Një pjesë e popullatës do të kentë probleme reale për të paguar kostot fikse – si ngrohje, ushqime, por edhe primet e sigurimit shëndetësor”.

Në përgjithësi, kërkesa për rritje të pagave do të jetë rreth një mesatareje prej pesë përqind. “Nëse punëdhënësit nuk rrisin pagat, do të ketë trazira sociale dhe politike. Nëse nuk ka zgjidhje, masat e ashpra janë të pashmangshme” thotë Maillard.

---