Kryetari i Prizrenit fton diasporën për investime

Kryetari i Komunës së Prizrenit, Shaqir Totaj, ka marrë pjesë në Forumin e bizneseve të diasporës, ku është diskutuar për investimet e diasporës në nivel komunal.

“Në këtë forum shpalosa planin e qeverisjes sonë, duke theksuar se Prizreni është vendi i duhur për të bërë investime, prandaj i ftova bizneset e diasporës që të investojnë.

Natyrisht, diaspora e Kosovës njihet për përkushtimin që ka dhe këtë e tregon përmes remitencave, por do të ishte mirë që këto remitenca të drejtohen ndryshe në të ardhmen. Megjithëkëtë, diaspora paraqet një kapital jo vetëm ekonomik, por edhe social e kulturor”, ka thënë Totaj.